‘VIP’ಗಳ ಭದ್ರತೆಯಿಂದ ‘NSG’ ತೆರವು, ‘CRPF’ಗೆ ಉಸ್ತುವಾರಿ : ಕೇಂದ್ರದ ಮಹತ್ವ ಆದೇಶ

ನವದೆಹಲಿ : NSG ಕಮಾಂಡೋಗಳನ್ನ ವಿಐಪಿ ಭದ್ರತಾ ಕರ್ತವ್ಯದಿಂದ ಸಂಪೂರ್ಣವಾಗಿ ಹಿಂತೆಗೆದುಕೊಳ್ಳಲು ಕೇಂದ್ರ ಸರ್ಕಾರ ನಿರ್ಧರಿಸಿದೆ. ಅಲ್ಲದೇ ಯುಪಿ ಸಿಎಂ ಯೋಗಿ ಆದಿತ್ಯನಾಥ್ ರಕ್ಷಣಾ ಸಚಿವ ರಾಜನಾಥ್ ಸಿಂಗ್ ಸೇರಿದಂತೆ 9 ವಿಐಪಿಗಳ ಭದ್ರತೆಯ ಜವಾಬ್ದಾರಿಯನ್ನ ಮುಂದಿನ ತಿಂಗಳೊಳಗೆ ಸಿಆರ್‌ಪಿಎಫ್‌ಗೆ ಹಸ್ತಾಂತರಿಸಲು ಕೇಂದ್ರ ಸರ್ಕಾರ ಆದೇಶಿಸಿದೆ. ಗೃಹ ಸಚಿವಾಲಯದ ಮೂಲಗಳ ಪ್ರಕಾರ, NSGಯನ್ನ ನಿಯೋಜಿಸಿರುವ ವಿಐಪಿಗಳ ರಕ್ಷಣೆಗಾಗಿ ಈಗ ಸಿಆರ್‌ಪಿಎಫ್ ನಿಯೋಜಿಸಲಾಗುವುದು. ಇತ್ತೀಚೆಗೆ ಸಂಸತ್ತಿನ ಭದ್ರತಾ ಕರ್ತವ್ಯಗಳಿಂದ ತೆಗೆದುಹಾಕಲ್ಪಟ್ಟ ಸಿಆರ್‌ಪಿಎಫ್ ವಿಐಪಿ ಭದ್ರತಾ ವಿಭಾಗಕ್ಕೆ ವಿಶೇಷ ತರಬೇತಿ ಪಡೆದ ಹೊಸ ಬೆಟಾಲಿಯನ್ ಸೇರ್ಪಡೆಗೆ ಗೃಹ ಸಚಿವಾಲಯ ಅನುಮೋದನೆ ನೀಡಿದೆ. 9 ವಿಐಪಿಗಳನ್ನ ರಕ್ಷಣೆಯ ಜವಾಬ್ದಾರಿ ‘CRPF’ಗೆ ಹಸ್ತಾಂತರ.! 1. ಯುಪಿ ಸಿಎಂ ಯೋಗಿ ಆದಿತ್ಯನಾಥ್ 2. ಮಾಯಾವತಿ 3. ರಾಜನಾಥ್ ಸಿಂಗ್ 4. ಎಲ್ ಕೆ ಅಡ್ವಾಣಿ, 5. ಸರ್ಬಾನಂದ ಸೋನೋವಾಲ್, 6. ರಮಣ್ ಸಿಂಗ್, 7. ಗುಲಾಂ ನಬಿ ಆಜಾದ್, 8. ಎನ್ ಚಂದ್ರಬಾಬು ನಾಯ್ಡು 9. ಫಾರೂಕ್ ಅಬ್ದುಲ್ಲಾ ಎನ್‌ಎಸ್‌ಜಿಯ ‘ಬ್ಲ್ಯಾಕ್ ಕ್ಯಾಟ್’ ಕಮಾಂಡೋಗಳಿಂದ ‘Z ’ ವರ್ಗದ ಅಡಿಯಲ್ಲಿ ಭದ್ರತೆಯನ್ನು ಒದಗಿಸುತ್ತಿದ್ದ 9 ವಿಐಪಿಗಳಿಗೆ ಈಗ ಕೇಂದ್ರೀಯ ಮೀಸಲು ಪೊಲೀಸ್ ಪಡೆ ಜವಾಬ್ದಾರಿಯನ್ನ ನೀಡಲಾಗುವುದು ಎಂದು ಮೂಲಗಳು ತಿಳಿಸಿವೆ. ಗೃಹ ಸಚಿವಾಲಯದ ಅಡಿಯಲ್ಲಿ ಎರಡು ಪಡೆಗಳ NSG-CRPF ನಡುವಿನ ಕರ್ತವ್ಯ ಬದಲಾವಣೆಯು ಒಂದು ತಿಂಗಳೊಳಗೆ ಪೂರ್ಣಗೊಳ್ಳುವ ನಿರೀಕ್ಷೆಯಿದೆ.