ಮೊಬೈಲ್‌ ಚಾರ್ಜ್‌ ಮಾಡುವಾಗ ವಿದ್ಯುತ್‌ ಪ್ರವಹಿಸಿ ವಿದ್ಯಾರ್ಥಿ ಸಾವು!

ಮೊಬೈಲ್‌ ಚಾರ್ಜ್‌ ಮಾಡುವಾಗ ವಿದ್ಯುತ್‌ ಪ್ರವಹಿಸಿ ವಿದ್ಯಾರ್ಥಿ ಸಾವನ್ನಪ್ಪಿರುವ ಘಟನೆ ಬೆಂಗಳೂರಿನ ಬಸವೇಶ್ವರ ಠಾಣಾ ವ್ಯಾಪ್ತಿಯ ಮಂಜುನಾಥ ನಗರದಲ್ಲಿ ನಡೆದಿದೆ.

ಬೀದರ್‌ ಮೂಲದ ಶ್ರೀನಿವಾಸ್‌ (24) ಮೃತ ವಿದ್ಯಾರ್ಥಿ ಎಂದು ಗುರುತಿಸಲಾಗಿದೆ. ಬೆಂಗಳೂರಲ್ಲಿ ಸಾಫ್ಟ್‌ವೇರ್‌ ಕೋರ್ಸ್‌ ಮಾಡುತ್ತಿದ್ದ ಶ್ರೀನಿವಾಸ್‌, ಪಿ.ಜಿ.ಯಲ್ಲಿ ವಾಸವಿದ್ದ. ಶುಕ್ರವಾರ ರಾತ್ರಿ 8 ಗಂಟೆ ಸುಮಾರಿಗೆ ಮೊಬೈಲ್‌ ಚಾರ್ಜ್‌ ಹಾಕುವಾಗ ಈ ಘಟನೆ
ನಡೆದಿದೆ. ಶ್ರೀನಿವಾಸ್‌'ನನ್ನ ಎಬ್ಬಿಸಲು ಯತ್ನಿಸಿದ್ದ ಸ್ನೇಹಿತನಿಗೂ ಶಾಕ್‌ ತಗುಲಿದೆ.