ಬೇಸಿಗೆಯಲ್ಲಿ ಮಾಡುವ ಈ ತಪ್ಪುಗಳಿಂದ ಮೊಡವೆ ಸಮಸ್ಯೆ ಹೆಚ್ಚಾಗಬಹುದು

ಬೇಸಿಗೆಯಲ್ಲಿ ಮೊಡವೆ ಸಮಸ್ಯೆ ಹೆಚ್ಚಾಗಿ ಕಂಡುಬರುತ್ತದೆ. ಇದಕ್ಕೆ ನಮ್ಮ ಮುಖದಲ್ಲಿ ಸಂಗ್ರಹವಾಗುವ ಬೆವರು, ಜಿಡ್ಡಿನಾಂಶವೇ ಬಹುಮುಖ್ಯ ಕಾರಣ. ಈ ಸಮಸ್ಯೆಯನ್ನು ಎದುರಿಸಲು ಆಗಾಗ್ಗೆ ಫೇಸ್ ವಾಶ್ ಮಾಡಿದರೆ ಸಾಕು ಎಂಬುದು ಹಲವರ ಮನಸ್ಸಲ್ಲಿದೆ. ಇದು ಹಾಗಲ್ಲ, ಇದರ ಜೊತೆಗೆ ಗಮನಹರಿಸಬೇಕಾದ ಅನೇಕ ವಿಷಯಗಳಿವೆ. ಬೇಸಿಗೆಯಲ್ಲಿ ಒಂದು ಸಣ್ಣ ತಪ್ಪು ತೊಂದರೆಗೆ ಕಾರಣವಾಗುತ್ತದೆ.

ವಿಶೇಷವಾಗಿ ಎಣ್ಣೆಯುಕ್ತ ಚರ್ಮ ಹೊಂದಿರುವ ಜನರಿಗೆ. ಆದ್ದರಿಂದ ಸಾಧ್ಯವಾದಷ್ಟು, ಈ ತಪ್ಪುಗಳು ಮಾಡುವುದನ್ನು ತಪ್ಪಿಸಿ, ಮೊಡವೆಗಳಿಂದ ಪಾರಾಗಿ. ಬೇಸಿಗೆಯಲ್ಲಿ ಮೊಡವೆಗಳಿಗೆ ಕಾರಣವಾಗುವ ತಪ್ಪುಗಳ ಬಗ್ಗೆ ಈ ಕೆಳಗೆ ನೀಡಲಾಗಿದೆ: ಕೊಳಕು ದಿಂಬಿನ ಮೇಲೆ ಮಲಗುವುದು: ನೀವು ಎಣ್ಣೆಯುಕ್ತ ಚರ್ಮವನ್ನು ಹೊಂದಿದ್ದರೆ, ದಿಂಬಿನ ಕವರ್ ಸ್ವಚ್ಛವಾಗಿರಲು ವಿಶೇಷ ಕಾಳಜಿಯನ್ನು ತೆಗೆದುಕೊಳ್ಳಿ ವಾಸ್ತವವಾಗಿ, ಮಲಗುವಾಗ, ನಮ್ಮ ಮುಖವು ದಿಂಬಿಗೆ ಹಲವು ಬಾರಿ ತಾಗುವುದು. ಇದರಿಂದಾಗಿ ಎಲ್ಲಾ ಕೊಳಕು ಚರ್ಮದಲ್ಲಿ ಅಂಟಿಕೊಂಡು, ಮುಖದ ಮೇಲೆ ಮೊಡವೆಗಳು ಉಂಟಾಗುತ್ತವೆ. ಅಷ್ಟೇ ಅಲ್ಲ ಕೆಲವೊಮ್ಮೆ ಇದು ನಸುಕಂದು ಮಚ್ಚೆಗಳಿಗೂ ಕಾರಣವಾಗಬಹುದು. ನೀವು ಮುಖದ ಹೊಳಪನ್ನು ಕಾಪಾಡಿಕೊಳ್ಳಲು ಬಯಸಿದರೆ, ಈ ವಿಷಯವನ್ನು ಅಭ್ಯಾಸಕ್ಕೆ ತನ್ನಿ. ಈ ಹೋಮ್‌ ಮೇಡ್ ಸೋಪ್ ಮುಖ, ಬೆನ್ನಿನ ಮೊಡವೆಗೆ ಶಮನಕಾರಿ.

ಕೂದಲಿಗೆ ಎಣ್ಣೆ ಹಚ್ಚಿ ಮಲಗುವುದು: ಬೇಸಿಗೆಯಲ್ಲಿ ಎಣ್ಣೆಯುಕ್ತ ತ್ವಚೆ ಮಾತ್ರವಲ್ಲದೇ ಸಾಮಾನ್ಯ ತ್ವಚೆ ಇರುವವರೂ ಅನೇಕ ಸಮಸ್ಯೆಗಳನ್ನು ಎದುರಿಸಬೇಕಾಗುತ್ತದೆ. ಕೆಲವೊಮ್ಮೆ ಅವರ ಚರ್ಮವು ಎಣ್ಣೆಯುಕ್ತವಾಗಿ ಕಂಡರೆ, ಇನ್ನೂ ಕೆಲವೊಮ್ಮೆ ಶುಷ್ಕವಾಗಿರುತ್ತದೆ. ಅಂತಹ ಪರಿಸ್ಥಿತಿಯಲ್ಲಿ ಚರ್ಮದ ಸ್ವರೂಪವನ್ನು ಅರ್ಥಮಾಡಿಕೊಳ್ಳುವುದು ಕಷ್ಟವಾಗುತ್ತದೆ. ಆದ್ದರಿಂದ ಕೂದಲಿಗೆ ರಾತ್ರಿ ಎಣ್ಣೆ ಹಚ್ಚಿ ಮಲಗದಿರಲು ಪ್ರಯತ್ನಿಸಿ. ಕೂದಲು ತೊಳೆಯುವ ಎರಡು ಅಥವಾ ಮೂರು ಗಂಟೆಗಳ ಮೊದಲು ನೀವು ಎಣ್ಣೆಯನ್ನು ಹಚ್ಚಿದರೆ ಉತ್ತಮ. ಅಂದು, ಇಂದು ಎಂದೆಂದಿಗೂ ತ್ವಚೆಯ ಆರೈಕೆಗೆ ಕಡಲೆಹಿಟ್ಟೇ ಬೆಸ್ಟ್!

ಸೋಪಿನಿಂದ ಮುಖ ತೊಳೆಯುವುದು: ಮುಖದಲ್ಲಿ ಜಿಡ್ಡಿನಾಂಶ ಕಂಡ ನಂತರ, ಜನರು ವಿವಿಧ ವಸ್ತುಗಳನ್ನು ಬಳಸಲು ಪ್ರಾರಂಭಿಸುತ್ತಾರೆ. ಕೆಲವರು ಸೋಪಿನಿಂದ ಮುಖ ತೊಳೆಯಲು ಆರಂಭಿಸುತ್ತಾರೆ. ಇದು ನಿಮ್ಮ ತ್ವಚೆಯನ್ನು ನಿರ್ಜೀವಗೊಳಿಸುವುದಲ್ಲದೇ, ಮೊಡವೆ ಸಮಸ್ಯೆಯನ್ನೂ ಉಂಟುಮಾಡಬಹುದು. ಜೊತೆಗೆ ಫೇಸ್ ವಾಶ್ ಅನ್ನು ಹಲವು ಬಾರಿ ಬದಲಾಯಿಸುವುದರಿಂದ ಮೊಡವೆಗಳು ಉಂಟಾಗುತ್ತವೆ. ಆದ್ದರಿಂದ, ನೀವು ಮುಖದ ಮೇಲೆ ಏನು ಬಳಸುತ್ತಿದ್ದೀರಿ ಎಂಬುದನ್ನು ನಿಮ್ಮ ಚರ್ಮದ ಪ್ರಕಾರವನ್ನು ಗಮನದಲ್ಲಿಟ್ಟುಕೊಂಡು ನಿರ್ಧರಿಸಬೇಕು.

ಮುಖ ಸದಾ ಬೆವರಿರುವುದು: ದೇಹದಲ್ಲಿರುವ ವಿಷಕಾರಿ ಅಂಶಗಳು ಬೆವರಿನ ರೂಪದಲ್ಲಿ ಹೊರಬರುತ್ತವೆ. ಆದಾಗ್ಯೂ ಕೆಲವೊಮ್ಮೆ ಇದು ಚರ್ಮದ ಮೇಲೆ ಪರಿಣಾಮ ಬೀರುತ್ತದೆ. ವಾಸ್ತವವಾಗಿ, ಅದರಲ್ಲಿರುವ ಕೊಳಕು ಮುಖಕ್ಕೆ ಅಂಟಿಕೊಳ್ಳುತ್ತದೆ, ಇದು ರಂಧ್ರಗಳನ್ನು ನಿರ್ಬಂಧಿಸಲು ಕೆಲಸ ಮಾಡುತ್ತದೆ. ಇದರಿಂದಾಗಿ ಚರ್ಮವು ಉಸಿರಾಡಲು ಸಾಧ್ಯವಾಗುವುದಿಲ್ಲ ಇದರಿಂದ, ಮೊಡವೆಗಳು ಹೊರಬರಲು ಪ್ರಾರಂಭಿಸುತ್ತವೆ. ಆದ್ದರಿಂದಲೇ ಮುಖದ ಮೇಲೆ ಬರುವ ಬೆವರನ್ನು ಒರೆಸುತ್ತಲೇ ಇರುವುದು ಬಹಳ ಮುಖ್ಯ ಇದು ಚರ್ಮಕ್ಕೆ ಹೀರಿಕೊಳ್ಳದಂತೆ ತಡೆಯಿರಿ. ಟಿಮ್ಯೂ ಪೇಪರ್ ಅಥವಾ ಕ್ಲೀನ್‌ ಕರವಸ್ತ್ರದ ಸಹಾಯದಿಂದ ಆಗಾಗ್ಗೆ ಒರೆಸುತ್ತಿರಲು ಪ್ರಯತ್ನಿಸಿ.

ಮುಖವನ್ನು ಹೇಗೆ ಸ್ವಚ್ಛಗೊಳಿಸುವುದು?: ಪ್ರತಿಯೊಬ್ಬರೂ ತಮ್ಮ ಚರ್ಮದ ಪ್ರಕಾರಕ್ಕೆ ಅನುಗುಣವಾಗಿ ತ್ವಚೆಯ ಆರೈಕೆಯನ್ನು ಅನುಸರಿಸುತ್ತಾರೆ. ಆದಾಗ್ಯೂ ಬೇಸಿಗೆಯಲ್ಲಿ ಮತ್ತೆ ಮತ್ತೆ ಫೇಸ್ ವಾಶ್ ಬಳಸಿ ಮುಖವನ್ನು ತೊಳೆಯುತ್ತಾರೆ. ಇದು ಅನಿವಾರ್ಯವಲ್ಲ ಸಾಧ್ಯವಾದಷ್ಟು ನೀರಿನಿಂದ ಮುಖವನ್ನು ತೊಳೆಯಲು ಪ್ರಯತ್ನಿಸಿ. ತಣ್ಣೀರು ಯಾವಾಗಲೂ ನಿಮ್ಮ ಚರ್ಮವನ್ನು ಆರಾಮವಾಗಿರಿಸಲು ಸಹಾಯ ಮಾಡುತ್ತದೆ. ಅಲ್ಲದೆ, ಇದು ಹೆಚ್ಚುವರಿ ಎಣ್ಣೆಯನ್ನು ಸುಲಭವಾಗಿ ತೆಗೆದುಹಾಕುತ್ತದೆ.