/ National News / %e0%b2%aa%e0%b3%81%e0%b2%b2%e0%b3%8d%e0%b2%b5%e0%b2%be%e0%b2%ae%e0%b2%be %e0%b2%a6%e0%b2%be%e0%b2%b3%e0%b2%bf%e0%b2%97%e0%b3%86 %e0%b2%87%e0%b2%82%e0%b2%a6%e0%b3%81 5 %e0%b2%b5%e0%b2%b0%e0%b3%8d

ಪುಲ್ವಾಮಾ ದಾಳಿಗೆ ಇಂದು 5 ವರ್ಷ - 40 ಯೋಧರು ಹುತಾತ್ಮರಾದ ದಿನ

09:56 AM Feb 14, 2024 IST | Bcsuddi

ನವದೆಹಲಿ: ಭಾರತದ ಇತಿಹಾಸದಲ್ಲೇ ಫೆ.14, 2019 ಅತ್ಯಂತ ಕರಾಳ ದಿನ. 5 ವರ್ಷಗಳ ಹಿಂದೆ ಇದೇ ದಿನ ಭದ್ರತಾಪಡೆಗಳ ಮೇಲೆ ನಡೆದ ದಾಳಿಯಲ್ಲಿ 40 ಸಿಆರ್‌ಪಿಎಫ್ (ಸಿಆರ್‌‌ಪಿಎಫ್‌) ಯೋಧರು ಹುತಾತ್ಮರಾಗಿದ್ದರು.

ಜೈಶ್-ಎ-ಮೊಹಮ್ಮದ್ (ಜೆಇಎಂ) ಸಂಘಟನೆಯ ಉಗ್ರಗಾಮಿಗಳು ನಡೆಸಿದ್ದ ಆತ್ಮಾಹುತಿ ಬಾಂಬ್ ದಾಳಿಯಲ್ಲಿ ಸೇನೆಯ ವಾಹನದಲ್ಲಿ ಹೋಗುತ್ತಿದ್ದ 40 ಸಿಆರ್‌ಪಿಎಫ್ (ಸಿಆರ್‌‌ಪಿಎಫ್‌) ಯೋಧರು ಹುತಾತ್ಮರಾಗಿದ್ದು, ಈ ಕರಾಳ ಘಟನೆಯ ಬಗ್ಗೆ #BlackDay ಹೆಸರಿನಲ್ಲಿ ಪೋಸ್ಟ್‌ ಮಾಡಿ ನೆಟ್ಟಿಗರು ವೀರ ಯೋಧರ ಬಲಿದಾನವನ್ನು ಸ್ಮರಿಸುತ್ತಿದ್ದಾರೆ.

ಇನ್ನು ಜಮ್ಮು ಮತ್ತು ಕಾಶ್ಮೀರದಲ್ಲಿ 40 ಸಿಆರ್‌ಪಿಎಫ್ ಯೋಧರು ಪ್ರಯಾಣಿಸುತ್ತಿದ್ದ 2 ಬಸ್‌ಗಳನ್ನು ಗುರಿಯಾಗಿಸಿಕೊಂಡು ಆತ್ಮಾಹುತಿ ಬಾಂಬ್ ದಾಳಿ ನಡೆಸಲಾಗಿತ್ತು. ದಾಳಿಯ ಸ್ವಲ್ಪ ಸಮಯದ ನಂತರ ಜೈಶ್-ಇ-ಮೊಹಮ್ಮದ್ ಸಂಘಟನೆ ವೀಡಿಯೋ ಬಿಡುಗಡೆ ಮಾಡಿ ದಾಳಿಯ ಹೊಣೆ ಹೊತ್ತುಕೊಂಡಿತ್ತು.